देशव्यापी लॉकडाउनला दोन महिने पूर्ण झाले असताना भारतात १ लाख ३८ हजार ८४५ रुग्णांची नोंद झाली आहे. भारतातील करोनारुग्णांची संख्या १३ दिवसांत दुप्पट झाली आहे.
जगातील सर्वाधिक करोनाग्रस्तांच्या यादीत भारत दहावा | India Corona News |
गेल्या दहा दिवसांत देशातील रुग्णसंख्येत वेगाने वाढ झाल्यामुळे जगातील सर्वाधिक करोनाग्रस्त देशांच्या यादीत भारत दहाव्या क्रमांकावर पोहोचला आहे. करोना रोखण्यासाठी लागू करण्यात आलेल्या देशव्यापी लॉकडाउनला दोन महिने पूर्ण झाले असताना भारतात १ लाख ३८ हजार ८४५ रुग्णांची नोंद झाली आहे. भारतातील करोनारुग्णांची संख्या १३ दिवसांत दुप्पट झाली आहे.
लॉकडाउनमध्ये करण्यात आलेल्या शिथिलतेमुळे लोक बाहेर पडत आहेत. तसेच स्थलांतरित श्रमिकांच्या गावी जाण्याच्या संख्येत मोठ्या प्रमाणात वाढ झाली आहे. यामुळे येणाऱ्या दिवसांत करोनारुग्णांची संख्या आणखी वेगाने वाढण्याची शक्यता असल्याचे आरोग्यखात्याच्या सूत्रांचे म्हणणे आहे. ज्येष्ठ नागरिक आणि कुठल्या ना कुठल्या आजाराने ग्रासलेल्या लोकांनी अतिसावध राहण्याची, घराबाहेर न पडण्याची काळजी घेतली पाहिजे, असे आरोग्य खात्याच्या वतीने वारंवार सांगण्यात येत आहे. सोमवारी सलग चौथ्या दिवशी करोनारुग्णांच्या एका दिवसातील संख्येने ६ हजारांचा आकडा पार केला. एका दिवसात ६९७७ नव्या रुग्णांची भर पडली.
No comments:
Post a Comment