१४ वर्षांच्या मुलीला जीवनदान; 'त्या' पोलिसाला सर्वांनी केला सलाम | mumbai news

भिंतीवरून उडी मारली अन् थेट वाघाच्या पिंजऱ्यात पडला; औरंगाबादमधील प्रकार

मनोरुग्ण व्यक्तीनं वाघाच्या पिंजऱ्यात उडी मारल्याचा धक्कादायक प्रकार घडला आहे. औरंगाबादमधील सिद्धार्थ प्राणीसंग्रहालयाच्या पाठीमागील भिंतीवरून चालत असताना त्यानं अचानक वाघाच्या आतल्या पिंजऱ्यात उडी घेतली.

 

Aurangabad-Zoo

औरंगाबादः मनोरुग्ण व्यक्तीनं वाघाच्या पिंजऱ्यात उडी मारल्याचा धक्कादायक प्रकार घडला आहे. औरंगाबादमधील सिद्धार्थ प्राणीसंग्रहालयाच्या पाठीमागील भिंतीवरून चालत असताना त्यानं अचानक वाघाच्या आतल्या पिंजऱ्यात उडी घेतली. त्यावेळी दैव बलवत्तर म्हणून त्याचे प्राण वाचले.

सोमवारी मध्यरात्री या तरुणानं वाघाच्या पिंजऱ्यात उडी मारली. या पिंजऱ्याला लागूनच खंदक असल्यामुळं त्याला पिंजऱ्यातून बाहेर पडणं शक्य नव्हते. त्यामुळं रात्री तो पिंजऱ्यातच झोपला. हा सर्व प्रकार मंगळवारी प्राणीसंग्रहालयाच्या सुरक्षा रक्षकांच्या निदर्शनास आली. त्यावेळी तत्काळ पोलिसांनी बोलावण्यात आले व तरुणाची सुटका करण्यात आली. पण. गेले सात तास तो वाघाच्या पिंजऱ्यात अडकला होता.

एक अनोळखी व्यक्ती दोन जूनच्या सकाळी वाघाच्या पिंजऱ्याची जाळी काढून आत आल्याचं लक्षात आलं तेव्हा त्याला लगेचच पोलिसांच्या स्वाधीन केले. तो मनोरुग्ण असून त्याच्यावर घाटी रुग्णालयात उपचार सुरू आहेत. तरुणाला वडिलांचा फोन नंबर लक्षात असल्यानं त्याच्यांशी संपर्क करून त्याला त्यांच्या ताब्यात देण्यात आलं आहे. असं क्रांतीचौक पोलिस ठाण्यातील कर्मचाऱ्यांनी सांगितलं आहे.